Yɛbəc 16:32-40

³²Kɔ ŋaloku kɔ toloku ta Wəbɛ, kɔ afum akɔ ŋanayi nde kəlɔ kɔn mɔ fəp.

³³Pibi papɔkɔ kɔ wəbum bili ɛlɛk ŋa, k’eŋkekərɛ ŋa kəkɔ-yak gbali yaŋan. Wəbum bili kɔ afum ɔn fəp ŋasɔtɔ gbəŋcana babɔkɔ kəgbət dəromun teta Kanu.

³⁴K’ɛmpɛnɛ ŋa nde ndɔrɔn, k’ɛŋcəmbər amɛsa, kɔ ŋawoləs kɔ aka kəlɔ kɔn disrɛ pəbotu pa kəlaŋ kɔn Kanu.

³⁵Ntɛ dec dɔsɔk mɔ, kɔ aboc kiti a dare ŋasom afum aŋan alɔma kəkɔ-loku wəbum bili: «Məsak afum akaŋɛ.»

³⁶Kɔ wəbum bili oluksɛ moloku mamɔkɔ Pol: «Aboc kiti a dare ŋasom afum nnɔ iyi mɔ, a isak’ un. Awa nəwur nəkɔnɛ bəkəc yoforu.»

³⁷Mba kɔ Pol oloku ŋa: «Ntɛ ŋalip oŋ kəsut su fɔr ya afum kiriŋ mɔ, ta aŋkiti su-ɛ, səna aŋɛ səyɔnɛ aka Rom mɔ, ŋabɛr su dəbili. Ndɛkəl oŋ yɔk-yɔk yɔ ŋandefaŋ kəsak su ba? Tatɔkɔ tɔfɔyi, ŋader ŋa sərka ŋasak su!»

³⁸Kɔ asɔdar ŋaŋkɔ ŋaluksɛ moloku mmɛ aboc kiti, kɔ ŋanesɛ ntɛ ŋanane a Pol kɔ Silas aRom ŋɔ ŋayɔnɛ mɔ.

³⁹Kɔ aboc kiti a dare ŋander ŋalɛtsɛnɛ Pol kɔ Silas kəŋaŋnɛ, kɔ ŋasak ŋa. Ŋac-loku a ŋawur dare dandɛ.

⁴⁰Ntɛ ŋawur dəbili mɔ, Pol kɔ Silas ŋaŋkɔ ndena Ludy. Kɔ ŋanəŋk awɛŋc aŋa alaŋ, kɔ ŋacəpəs ŋa bəkəc. Kɔ ŋasumpər dɔpɔ, kɔ ŋaŋkɔ.