Yɛbəc 11:24-30

²⁴Barnabas fum wətɔt ɛnayi. Kəlaŋ kənayi kɔ dɛbəkəc kɔ Amera Ŋecempi ŋa Kanu ŋeyi kɔ sɔ darəŋ. Kɔ afum alarəm ŋaŋcəmɛ dɔpɔ da Wəbɛ Yesu darəŋ.

²⁵Kɔ Barnabas ɔŋkɔ dare da Tarəs kəlɛk Sol.

²⁶Ntɛ Barnabas ɛnəŋk Sol mɔ, k’eŋkekərɛ kɔ Antiyɔk. Teren tin camcam, ŋac-təŋnɛ kəloŋkanɛ ka alaŋ, kɔ ŋaŋtəksɛ kənay ka afum. Dəndo Antiyɔk, difɔ anacop tɔcɔkɔ-cɔkɔ kəwe acɛpsɛ a Wəbɛ Yesu darəŋ «aka Krist.»

²⁷Mata mamɔkɔ, kɔ adəŋk a Kanu alɔma ŋantor dare da Antiyɔk kəyɛfɛ Yerusalɛm.

²⁸Wəkin ɛnayi ŋa dacɔ pac-we kɔ Akabus, k’ɛyɛfɛ, kɔ Amera Ŋecempi ŋɔsɔŋɛ kɔ kədəŋk a dor dendeyi doru fəp. Dor dadɔkɔ dɛnader deyi tɛm ntɛ Kəlod ɛnayɔnɛ wəbɛ ka tɔf ya Rom fəp mɔ.

²⁹Kɔ acɛpsɛ a Yesu ŋaŋcɛm-cɛmnɛ kəfɛk teta kəmar ka awɛŋc aŋa alaŋ aŋɛ ŋanayi atɔf ŋa Yude mɔ, nwɛ o nwɛ kɔ ntɛ ɛnatam kəfɛk mɔ.

³⁰Itɔ ŋanayɔ: Kɔ ŋasom Barnabas kɔ Sol kəkenɛ ki abeki aŋɛ ŋanayi kəloŋkanɛ ka alaŋ a Yude mɔ.