Wâŋgiŋa Paneâŋa kâ 74:9-10

⁹Noko muŋga kuveta mâsi ŋalaŋala kie-kie, andeta kala zo ŋine maka kamora mâsi toŋge tia. Aku noko ne ŋgua-tulâŋa tamâta rârâni kala naonzi tia mine nâ. Maka nema malia ŋine ma marumbu lâ zo ndia, a? Ŋinde nde maka rârâni kasama tia.

¹⁰Maro Kindeni, ŋana sâ kâ ŋga noko tini pwâka tu kuvila maka, a? Ŋana sâ kâ ŋga noko kumo kusaŋona nâ, a? Noko ma kusâu panzi kazâŋa tamâta tu ma siŋeleano ikura zo ŋapia kilo, a? Tiambo kinzi ma siporo ŋgua pavaligiŋa pa noko ikura zo rârâni, tiya?