Uva Maara Koqera 21:24-28

²⁴Koqe okara naaraihama amite variaka vika kia vo kiakara noraiqaake iriraiti, nariaraqai iriha, nái nutuqai tuahere variara.

²⁵Popohara vaiintivano airaira varaataa ivarovata viva kia nai kauquqohairo kaiqa varareva auti vaira. Mintiraro vi haikarara irira antuqava nai vira aruma kaanaro.

²⁶Popohara vaiintivano ekaa enta vo haika vo haika varaainarara avu aato uti vaimanta, avuqavu ni variaka parumakeha nái airaira viti viri nimi variara.

²⁷Noravano Kotiva qora okara auti variaka ofaara kia antuqa arivaro vaira. Vaiintivano qora kaiqa varaainarara iriharo Kotira ofaa autu amitairera, Kotiva vira anomakero nunurama amitaanaro.

²⁸Ko avuqaa una uva tina vaiintiva qutuma vuanaro. Quqaa uva tina vaiintira vira qaqi kaivaro varianaro.