Uluka 1:36-48

³⁶Ira, uhenu uweme Alisabatu ma wuna apuru anyimo a tiwari, upeu utasi wa zigeme in na apuru sa a tisa me unu wabi.

³⁷Rusa ire imum ida tekime nikara na Asere ba.”

³⁸Mariyamu magu, “Ira mi une ukatuma ka Asere kani. Ca kadura ka weme ka cukuno anime.” Anime Bibeu bi kadura ka Asere bi dusa.

³⁹Mariyamu ma hiri dibe dibe ati ye tigino me ma ha anyimo ani pana ni nipin nu Yahudiya.

⁴⁰Ma dusa akura a Zakariya maka iso Alisabatu.

⁴¹Sa Alisabatu ma kunna ni isi ni Maryamu, vana umeme anyimo apuru ma hinna, anime Alisabatu ma myinca in bibeu bi lau.

⁴²Ma yeze ni myirang ni meme in nikara magu, “Hu unu imum iriri ini anyimo aneh, imum iriri ini a zo iburu ini ba apuru aweme.

⁴³Nyanini ya kem sa a'ino Asere am ma aye ahira am?

⁴⁴Ira, uganiya sa ni isi niwe me na ribem a titui, vana apuru amme ma hinna inni riba irum.

⁴⁵Imumu ihuma ini me sa ma hem agi timum sa abuki me ta suri ahira Asere.”

⁴⁶Mariyamu magu, “Iriba im nonziko Asere.

⁴⁷Bibeu bum ba kunna mang inna Asere unu bura um.

⁴⁸Barki anime ma ira usiziki me urere u'eh. Barki uhira ana me uhana uka biki ure ucara wadi nonzo Asere.