Ukorontiyawa 16

1

2

3

4

5

6

7

8

9

10

11

12

13

14

15

16

¹Nene nbelen mapitiru pitiru nanit alau, nafo na nna bellin anan dortu Kutellẹ nati nlira in Galantiya, nanere anung wang sun.

²Liri lin cizinu nayiri kuzor, na kogha mine rafa imoimon likot ligan kayiri me. Asa nda na mapitiru pitire ma yituku ba.

³Asa nda duru, alenge na anung yinna mung, mba tu nani nin niyerti idi ni mapitiru pitiru mine in Urshalima.

⁴Andi uma caunu meng wang do, ima du nan mi.

⁵Mba dak kitime, asa nda kata in Makidoniya-bara nma katun Makidoniya.

⁶Nmoti nanghinuere mbaso udu kubin pitiru kiti, bara inan buni ncinnighe, vat kiti kanga na nma du.

⁷Bara na ndi nin su in yene munu nene nan nya kubiri bat ba, ndi cissu kibinayi ntinayiri gbardang nan ghinu, andi Cikilare in yinna.

⁸Vat nani meng ba so in Afisos nduru kubin pentecost,

⁹Vat nin woru katwa puni pash, a anan shina yita ku gbardang.

¹⁰Nene asa Timitawus nda, na aso nan ghinu sa fiu, bara adin su katwa in Cikilari nafo menghe.

¹¹Na umong wa yasighe ba. Buno ghe nya shewu anan da kiti ning, bara ndin cissu iyizi in yene ghe ada ligowe nan nya linuana.

¹²Nengene ubelen Apolos gwana bit: Nna ghe likara kibinayi a dak kitimine nin linuana, na a yinna udake nene ba; ama dak asa ase kubi.

¹³Sun lissosi nca, yisinan nin nakara nan nya yinu sa uyenu mine, sun nafo nanilime, yitan nin nakara.

¹⁴Vat nimon ile na ima su sun nan nya kauna.

¹⁵Iyiru anan kilarin Istifanas, inughere anan cizinun seru nlirun tucu Akaya, inughe na ni atimine kiti katwa nanit alau. Nene ndi minu kucukusu, nuana nilime nan nishono,

¹⁶nakpan atimine kiti inmusu nanit ane, nin vat lenge na adin bunu nan nya katwa a anontizo ligowe nan ghirik.

¹⁷Ndi su liburi libo nin dakin Istifanas, Furtunatus, a Akaikus; inun kulo kika na anun duku ba.

¹⁸Bara ina da ghantini uruhu nighe nin na lele. Bara nani cau iyinni nin nimus nanit nafo alengene.

¹⁹Anan dortu Kutellẹ in Asiya din lissu minu. Akila nin Briskila din lissu nan nya NCikilari, nin nanan dortu Kutellẹ nan nya ngamine.

²⁰Vat nuana nilime nan nishono din lissu minu. Lisson atimine nin ni lip icine.

²¹Meng, Bulus, nsu ile iyerte nin nilip ncara ning.

²²Andi ko uyeme unit na adi nsu usun Cikalari ba, na utin nu kifo ghe. Na Cikilari bite dak!

²³Na ubolu Ncikilari Yisa so nan ghinu.

²⁴Usu ning so nan ghinu vat nan nya Kristi Yisa. Uso nani.