Tuukwewabe Manepu 5:25-34

²⁵Sumu'yoo yise petuoose, mu tunehane-kwi'yoona meeoo unakwe, “Yow meno'o mu Peter-no John mu tukwutumana ka nanesootuhi nobe-kobena'yoona mu numu tunedyooe.”

²⁶Mu tukwutumadu naa mu susumudu tukwutumadu-no mea'ase, mu Peter noko John bihoodooa. Mu tukwutumadu gi mu tubetse manoyukwe mu numu-ma su'ina, mu numu sumuna tupe-ma mu tapagetana mu tagoehoodooa.

²⁷Mu numu pabe'e meeoo ka mu Peter noko John netamma,

²⁸“Numme mooasoo meeoo mu netammapu, ‘Gi ka Jesus-witu numu tunedyooepana.’ Pana mu no'oko numu Jerusalem-witu ekow tunedyooe. Mu yise ka Jesus nabatsa-kwi numme oe neyugwe.”

²⁹Soo Peter yise ka umu susumudu Te Pabe'e tuukwewabe-no ka mu numu tutunehanedu meeoo netamma, “Tamme sakwa Te Naa unnena mayoho gi mumme sukwe unnena.

³⁰Te nanamooatupu pumatoo nanetzakwiyina soo Te Naa ka Te Pabe'e tamme-matoo tayapu. Mu ka sunngabe namadabue-ma oo tzakwenese, oo batsapu. Soo Te Naa ka Te Pabe'e Jesus ya'e-kwikoo mayoduse numu oo moohe tuungupu. Ka mu numu suda tumadugupu mu nemawuni tuunguna, o'no yise soo Te Naa ka suda mu tumudugupu soomu'wu. Soo Te Naa ka Te Pabe'e numu oo magwetzoi tuungu.

³²Numme ooosapa mu numu tuukweno'o soo Te Naa yise ka tu Besa Pooha-ma mu tunaka'oedyukudu sootuhi. Soo Te Naa Besa Pooha ka mu numu tzapoonnekute Te Pabe'e pooha-ga'yoo.”

³³Mu tutunehanedu nakasuta'a, ka mu Te Pabe'e tuukwewabe batsakwu ka mee mu tunetamma.

³⁴Soo nana Gamaliel mee naneadu ka nananesootuhidu Pharisee mee nananeadu-matu yotsehoo. Esoo nana numu nanesootuhi tunedyooedu, yise no'yoona numu oo toge'yookute ka besa-tamme. Soo Gamaliel ka mu tutukwutumadu ka mu Te Pabe'e tuukwewabe oetu tzadyuba tuunguse.