Tingtoeng 65:2-13

²Thangthuinah aka ya. BOEIPA namah taengla pumsa boeih loh halo uh ni.

³Thaesainah ol loh kai soah m'poe uh coeng. Kaimih kah boekoeknah khaw nan dawth.

⁴Namah loh na tuek tih na vongup neh a yoei ah kho aka sa tah a yoethen. Na bawkim cim, na im kah thennah te ka cung uh coeng.

⁵Kaimih kah khangnah Pathen. Duengnah neh kaimih nan doo te a rhih om pai. Diklai khobawt neh khohla tuitunli boeih kah a pangtungnah ni.

⁶Thayung thamal te a vah tih, a thadueng neh tlang ke a thoh.

⁷Tuitunli kah longlonah, tuiphu kah longlonah neh, namtu hlangping khaw na domyok sak.

⁸Te dongah khohla kah kho aka sa rhoek na miknoek te a rhih tih mincang khothoeng lamkah kholaeh duela na tamhoe.

⁹Diklai na hip tih muep na bueih. Pathen kah sokca te na boei sak tih tui na bae sak. Anih te na hlinsai tih cangpai neh na hmoel pah.

¹⁰A kong te na hmilhmal sak. Laikong te na cikngae sak. Mueitui neh na pan sak tih, a cangdueng te yoe na then sak.

¹¹Na then kum te na khuem tih na namtlak ah maehhloi a yoem uh.

¹²Khosoek rhamtlim khaw a pha thil tih, som rhoek te omngaihnah neh a yen.

¹³Rhamtlim te boiva loh a thing tih, tuikol rhoek te cangpai a saeng dongah yuhui neh a hlai uh bal.