Tingtoeng 33:3-18

³Amah taengah tamlung neh detdet tum lamtah laa thai sa uh lah.

⁴BOEIPA kah olka tah thuem tih, a bibi boeih khaw uepomnah la om.

⁵Duengnah neh tiktamnah aka lungnah, BOEIPA kah sitlohnah he diklai ah baetawt.

⁶BOEIPA kah olka loh vaan rhoek neh, a ka lamkah a hil loh vaan caempuei boeih ke a saii uh.

⁷Tuitunli kah tui rhoek te som bangla na calui tih, tuidung thakvoh khuiah na khueh.

⁸Amah kah diklai pum loh BOEIPA te rhih uh saeh. Lunglai boeih kah khosa rhoek loh amah taengah bakuep uh saeh.

⁹Amah loh a thui tih amah la coeng. Amah loh a uen tih amah khak pai.

¹⁰BOEIPA loh namtom kah silsuep te hnalval pah tih, pilnam kah a kopoek te a tawmta pah.

¹¹BOEIPA kah a cilsuep tah thawnpuei phoeikah thawnpuei patoeng kah a lungbuei kopoek ah kumhal duela cak.

¹²A Pathen Yahweh kah namtu tah a yoethen, pilnam khaw amah kah rho la a coelh.

¹³BOEIPA loh hlang capa boeih te vaan lamkah a paelki tih a hmuh.

¹⁴A ngol hmuen lamloh diklai khosa boeih te a dawn.

¹⁵Amih kah lungbuei tun aka hlinsai loh, amih kah bibi boeih te a yakming.

¹⁶Manghai he tatthai hlangrhalh hlangping loh khang pawt tih, thadueng cangpai long khaw a huul moenih.

¹⁷Loeihnah ham marhang khaw a hong tih, anih kah thadueng a kum nen poenghal mahpawh.

¹⁸Amah aka rhih so neh a sitlohnah dongah aka hangdang rhoek sokah BOEIPA mik aih ke.