Thuhilpa 1:1-11

¹Hiche hi Thuhilpa, Jerusalem’a vaipoa pang, Leng David chapathu seidoh ho ahi.

²Thuhilpa chun, “Ijakai ajehbeitobang ngen ahi, ajeh bei tobangngensen ahi sohkeije,” ati.

³Nipi noija hi mihon atoh gimjeh’uva hi ipi aki mudoh uvem?

⁴Khang ache mang in, khangahung lhung kit in, hinlah leiset hinkikhelna aneikha hih laije.

⁵Nisa ahung sohdoh in chule alhumkit jin, chule kinotah’a kipandoh kitding in akigopai jin ahi.

⁶Hui chu lhang lama anung in, chule sah lama ahung kihei jin ahi. Avel kol avelkol in, ahui nun chunakollin ahi.

⁷Vadunghotwikhanglennaalonglut’uvin, hinlah twikhanglenadim thei deh poi. Chuti chun twiho chu vadunga ahung kile kitjiuvin, chule ahung longdoh untwikhanglenna chun alut kit jiuve.

⁸Thil ijakai hi seithei lou hellinthachol chol a um in ahi. Ijat imituva imu vang un ilungnau achimpoi. Ijat ina khang uva ijah jengvang un, ilunglhai jou pouve.

⁹Achesa thusim kivelso kitnaahibouve. Masang peh’a ana kibolchaisa ngensen ahiuve. Nisa noijaimacha thil athah tahbeh aum poi.

¹⁰Khatvei veileh mihon aseijun, “Imacha athah kiti aum poi,” atiuve. Hinlah tahbeh mong in aluiahi bouvin, imacha athah kiti hiaum poi.

¹¹Achesa phatna ipi anasoh em tiigeldoh pouve, chule khang ahung lhung ding hoa jong tua i-thilbolhouhi koiman ahetdoh lou ding ahitai. Thuneina, Chihna Le Hetna Chun Agilou Asubei Joupoi