Thuchihbu 5:6-21

⁶Hitobang numei hin hinna lampi anahsah jipon, achena tinchang anoh phah jin, amanun-la akihet doh jipon ahi.

⁷Hijeh chun tun kachapa teho kasei ngaijun, kahilna thucheng hoakon hin jammang ding go hih beh un.

⁸Hiche numeinua kon khun kidalseu vin, akot phunga jong chenai ding go hih beh un.

⁹Hitia chu nabol lou ule, mihoa kon jabolna nachan lou ding, nahinkho sunga min nakhoto thei lou diu ahi.

¹⁰Hetkhah lou mihon nahaonajouse a-luo diu, natohga jouse jongmichom beh khat in a-luo ding ahi.

¹¹Na hinkho ajona lam teng gimhesoh nato ding, natahsa pumpimanthahna aso ding ahi.

¹²Chuteng nangin seijin natin, “Kigah chahna hi ichan-a kana theta, phosalna hi iti kana thet hitam?

¹³Oh, keiman eihil ho thu kanadonse pon, ka dinga thusei ho jengjong kana donse tapoi.

¹⁴Tuhin mipi kikhopna’a konkeima mah thahna mun kalhun konahitai, tia nasei ding ahi.”

¹⁵Nangma twikhuh’a kon hungpotdoh twi chu kidon in. Ngailutnachu najinu henga bou neijing in.

¹⁶Na twikhuh dunga twi put chumuntin’a hetdoh-a um’a, chulekholai tinchanga um mong ding hinam?

¹⁷Hichu nanga ding bouvin koijin, nakom’a hung maljin vang nachansah lou ding ahi.

¹⁸Na jinu chu phatthei changtahen, nangma tah jong nasenjichunga kipah tan.

¹⁹Na deitah na jinu sajuh golpaihoitah le sajuh chal hoitah bangin, phat tin in aman nahebolnanachungalungkimin, amanuanglum jal’a kipah jing nahin, aman natuh chah jing hi nalungsetphot chetna ahi.

²⁰Ka chapa, i-atileh numei chonchavei chu naki tuhchah sah jinghitam, hitobang numei kampao phalou chu a-anglum’a um dingnagot jing ham?

²¹Ajeh chu Pakai hi mihem thilbol jouse ve-jing ahin, alam lhah na jouse avet-jing ahi.