Thuchihbu 22:21-28

²¹Hitiahi nangman thutah hochunahet them’a, chutengleh nahinsolho ang-a thu adih’a na donbuttheina dinga kahil nahi.

²²Najotho man’in mivaicha hochom hih in, ama chu vaicha tahbehahi.

²³Ajeh chu Pakai hi amaho vengtupa pang ahin, koi hileh amahosumang achu Aman asuhmang dingahi.

²⁴Milung chom le lunghang jinghotoh kivop dan, chule mi lungsajing hoto jong chekhom hih in.

²⁵Hitia chu naum louleh amatobanga nachon ding, chepaina’ananei loa nahinkho lamvai ding ahi.

²⁶Bat lahna’a batman a kitung dohho bang in, batsah nan kimoh tunhih in.

²⁷Asahna ding ima naneitah loujongleh, nalupna jalkhun geijinpedoh jeng tan.

²⁸Napu Napa khang apat gamgimelchihna song chu, nangman nachondoh lou ding ahi.