Thempu Dan 6:6-30

⁶Themmo changpa chun kelngoi hon lah a pat kel chal khat ahin kaiding, hichu themmo maichamnolnabei Pakai a san thei dol tah ahinadia thempu pa heng a ahin kailut ding,

⁷Chuteng thempu pan amapachu Pakai angsung a athoi ding, hicheakonna themmo a channa thei jouseakon a ama chu ngaidam chang ding ahiye. Pumgo Thilto

⁸Mose heng a Pakaiyin hiti hinasei peh tan,

⁹Aaron chule a chapate heng a hitihin seitan, hiche hi ahi pumgo thiltoding dan. Pumgo thilto maichamchu jankhovah a meichung a kijamkhovah keija, maicham phung ameivah jong khovah keija kou ding ahiye.

¹⁰Chule thempupan akivonnahoitah chu kivon ding; toka choljong akichen na; hia chu maichamchung a meivam jouse aluo khoma maicham phung achu asun lhah ding ahi.

¹¹Hicheng jouteng le thempupanakivon na asut a, von chom a kivonding, vutvam jouse muntheng laiyaaga koi ding ahi.

¹²Chulemaichamchungameikong chu mit louva kou jingding, ajingkah seh le thempu panmaicham chung a mei ati be jinga, chutengleh achung a chu pumgothilto akoi a, chamna maichamgantha sathao jouse alhut vam hel ding ahi.

¹³Tang louhel a maicham phung amei kong jing ding, mit lou a koujing ding chu ahi.

¹⁴Hichu lhosohga thilto maichamahi, chule Aaron chapate jousenthilto ding chu Maicham Pakaiangsung a ahin to cheh diu;

¹⁵Amaho jouse lah a mikhat penpen chun athilto lah akon a lhosohchangbong nel di sel phatah khutdim khat aham doh ding; lhosohthilto toh kihel thaotui le gim namtui pum a alah a, hichu mangtheiloumaicham chung a chu ago vam sohhel ding, Pakaija dia gimnamtui sohding ahiye.

¹⁶Chule amoh chengse chu Aaronle achapate sesen aneh ding u ahi. Chule aneh teng ule cholso louhiding hichu muntheng lai khat aaganeh diu ahi; aneh nadiu mun chukikhop khomna ponbuh sung a chuaneh diu ahiye.

¹⁷Chule changlhah neh dia akikanteng ule cholso lou hi ding; hichukeiman pumgo maicham ka chan kahop peh ahin; chonset maicham lethemmo na chungnung ahi.

¹⁸Pathen akona pumgo thiltothudol a nakhang lhung uva dia thukatep peh na hiuvin; hichu Aaronchate lah a pasal jousen aneh diuahi, hiche maicham thilto hi koihile atongkha chan theng jing dingahiye.

¹⁹Mose heng a Pakaiyin hiti hinaseijin;

²⁰Aaron le achapate hon thempupan mun dia thao akinu nikho tengule, Pakai henga athil to diu chuhiche hiding ahi; lhosohga thilto diachangbong nelsel Ephah dimkhathopsom lah a hop khat hi ding, akeh khat chu jingkah maicham a atoding chule akeh langkhat ma chunilhah lang maicham a ato ding ahi.

²¹Changbong nel chu khangbelsung a thaotui toh kichoh halding, chuteng nangman a kihalsachu maicham thilto dang ho banga apheng pheng a nakoi tup ding; hichu Pakaija dia gimnam tui dinga na hin choi ding ahi.

²²Chule Aaron chapate ho laha Ama khel a thempu dia thao nuchang pachun, hiche maichamthilto chu a itih chan a dia Pakaiheng lam a ato ding, hiche ho jousechu govam hiding ahiye.

²³Thempu koi hile losohgamaicham thilto ato doh jouse aboncha agovam hel ding, hichu koimachan aneh thei lou ding ahiye.

²⁴Chuin Mose heng a Pakaiyinhitin asei peh tan

²⁵Aaron le achapate heng a hitihin seipeh in, hiche hi chonset jiha maicham thilto ding a dan ahin; hichu pumgo thilto gancha kitthanamun Pakai angsung a chonsetmaicham thilto ding gancha jongtha ding; ajeh chu hiche hi maichamthilto lah a atheng chung nung ahi.

²⁶Chonset jal a maicham thiltotoh doh a thempupan asa chu anehding, hichu kikhop khom na ponbuhmuntheng lailung khat a aneh ding ahi.

²⁷Chule itabang thil hijongle hichemaicham thilto sa gatong kha chanatheng a um jing ding, athisan hijongle apon chung a anat khah aahile, hiche thisan natna ponsil chu nangman muntheng lailung a na sop ngim ding ahiye.

²⁸Chule sa honna bel jeng jong kivo keh ding, sum eng bel a mangcha a kihon ahi leh, suhtheng sel a tuija phumlut ding ahi.

²⁹Hiche maicham thilto sa chu thempu ho jouse lah a pasal kiti phot in aneh ding u ahi. Hichu atheng chung nung ahiye.

³⁰Ahinlah muntheng mun a kithoidamna ding a thisan pum a kipolut sa kikhopkhomna ponbuh sung a kilhut chonset themmo thilto a kithat sa chu koiman aneh thei lou hel ding, asa chu apumpia meiya govam hel ding ahi.