Thempu Dan 25:12-18

¹²Ajeh chu Jubilee kum hi kumtheng tah ahi, na boncha diuvaatheng ahi; hijeh chun agamsunga anagasa hobou naneh diuva lha ahitai.

¹³Hitia chu Jubilee kum ahunglhun teng na boncha uva koi hileagoulo cheh chu na kile peh toh deldel diu ahi.

¹⁴Na kinai pi henga na thil johham ahi louva na thil chohsa hamjeng jong chu, hitia thil joh chungchang leh akijoh doh thil chungchang a na sopi khat toh adih louvana kibol to thei lou ding ahi.

¹⁵Chule Jubilee aki chaiya pat naheng na koma na thilchoh chuleakum ijat sunga hi jongle agamgasoh toh kitoh a nangma koma thilale joh ding ahi, ati.

¹⁶Kum vangchu ahung tamkhahtah leh hiche thil man chun nasansah ding, ahinlah akumjat chu alhom khah vang leh athil man jeng jong na lhom sah ding ahiye; ajeh chu akum kisim jat dung juiyaaman jong gamga toh ajoh ahi, ati.

¹⁷Na boncha uva khat leh khatna kisuh gimlou hel diu, Hichesangchun na Pathen chu ging jinginlang; ajeh chu keima na Pakaijuleh na Pathen’u chu ka hi, ati.

¹⁸Na boncha uva ka chon na danjouse na juikim soh kei diu, hicheho jouse chu toh jong na toh dohdiu ahi; chu teng gamsung pumpiana boncha uva lungmong sel’anakhosah diu ahitai.