10Israel chate hengah ajah uvahiti hin seiyin, keiman ka peh na’ugamsung nahin phah uva gamgasoh nahin lo teng ule nachang phalgao masapen chu thempupa lamana choi diu ahi.
11Hiche a konna chu thempu pannangho santhei dol nahithei nadiuvanathenso diu ahin; ajing nikhocholngah ni teng chule thempu panthenso na anei ding ahi.
12Hiche thenso na bol ni khouva changpal nakatdoh teng ulekelngoinou achal khat jong Pakaiya dia nolnabei hel chu nakat doh tha diu ahi ati.
13Hiche nikho’a lhoh sohga katdohding chu suhlou changbong neldisel Ephah khat dim hopsom ma hopnikiso ding; hichu thao tui toh kihal, Pakaija dia gimnam tuisela govamding; don ding lengpithei jongchu khon dimkhat hopli a konnahopkhat chu hichea ding chu ahiye.
14Chule hiche nikho masang chunna Pathen pa diuva thilto dingnahinpoh lut kahseo vin, changlhahjong nehdao vinlang, chang kikangpoh ahin changlhah ki gou tho jongnehda uvin; hoi lai chan a chengjong leochun hichenghi nakhangnakhang uva chonna dan in jui jengun.
15Cholngah nikho aki chai apat, changpal na hin choi uva thensonathilto na bol ni kho uva pat nikhonasim cheh cheh diu hapta sagichan na sim teitei ding u ahi.
16Cholngah nikho vel sagi changeiya na sim uva chule ajing nikhonisomnga lhin changeiya na sim thadiu, chu jou tengle Pakai heng lamalho sohga thilto nakat doh ding uahi.
17Na in son cheh uva pat Ephahdim khat cheh hopsom lah ahopni a kikhen thenso thilto dingachanglhah lhonsao ni jaona nahinchoi ding ahi; hiche teni chucholsosa ahin, Pakaiya dia lhohsogamasapen thilto a pang ding ahi.
18Chule hiche changlhah jaonachu kumkhat lhing tasa nolna beihelkelngoi sagi, bongchal golpai khat, kelngoi chal ni jaona na kat doh uva, hiche gancha ho sese chu Pakaiya dia pumgo thilto a ki mangding gimnam tuisel’a meiya govam ding ahi.
19Chonset thilto ding in kelchalkhat mang un lang, chamna thiltole gantha ki lhaina dinga kum khata tah kel chal ni na hin kat diu ahi.
20Chule hicheng ho sese chuthempu pan Pakai ang sunga thensona anei ding lhoh sohga masa thiltochanglhah jaona; kelngoi chaltenijong chu athenso tha jeng ding ahi, hiche hose hi Thempu dia Pakaiangsunga thil thengsela um ahiye.
21Hiche nikhoa hi khompi khatnanei diu, hichu khompi thengsel anaman uva, lel nathei na toh na bolda jeng diu, na khang lhum kei uvahoichan a chejong leu chun hichevang hi chonna dan dung juiya najui jeng diu ahi.
22Na boncha uva na gamsunguva konna chang na at teng ule, nalou jao uchu apam chin jouse’a naat chai lou hel diu, na chang at nanung uva chang khai ho jong nachom thengsel lou diu ahi; vaichateleh kholjin hodia na koipeh diuahi; ajeh chu keima nangho Pakai Pathen ka um jing e, ati.
23Pakaiyin Mose henga thu aseipeh in hiti hin bol in ati.
24Israel chate jouse jah a hiti hinsei peh tan, lha sagi lhin teng, hichelhasung nimasa nile na boncha uvanaki chol uva khompi theng naneidiu, sum kon mut gin toh tho’ana phon jal ji diu ahi.
25Thabeina thei na tong hih unlang, Pakai henga pumgo thilto nahaimil lou diu ahi.
26Pakaiyin Mose hengah thuaseipeh in, hiti hin bolin ati.
27Lha sagi lhin nikho nisom alhinnikho hi ki thoidamna ahin, hichenikho’a hi thon louva khompi thengkhat na bol diu; angol toh tho’a Pakaiya dia pumgo thilto na to dohding u ahi.
28Hiche nikhoa hi koima chan thabei na thei natoh nabol lou hel diu, ajeh chu kithoidam na nikho loupikhat ahin, na Pakaiyu leh na Pathenu henga thoidam na nanei ding uahi.
29Koi hi jongle hiche nikho’a anngol lou aum khah le amite lahakonna pampeiya um jeng ding ahi.
30Hitia chu koi hijong leu chunhiche nikhoa hi thabei na thei natong aum khah le ama chu amite laha konna ka suh mang jeng ding ahi.
31Na boncha uva natoh thilbolakona a nakikang se cheh diu; hoilai munna hi jongle na chennajouse uva chonna dan ahi tia na juicheh diu ahi.
32Hiche nikho hi na boncha diuvakicholdo nikho a naman jeng diu, hitia chu an ngol toh thoa; hichelhasung nikho ahung lhin ni apatchu ajing nilhah lam channa choldona a naman cheh diu ahi, ati.
33Pakijin Mose hengah thu aseipeh in, hiti hin bol in ati.
34Israel chate jouse hengah sei pehtan, lhasagi lhinna chule nisom leninga lhin nikho apat ni sagi sungsese hi Pakaija dia ponbuh kut akimang ding ahi.
35Kut akipat nikho chu khompi theng nikho ahin, hijeh chun tha beinathei natoh ima bol hih hel un ati.
36Tanglou hella ni sagi sunga Pakaiya dia thilto nabol jomjing diu, niget alhin nikho tenglekhompi theng khat na bol pai diu, Pakai ansung a pumgo thilto nakatdoh diuchu ahin; hichu khompitheng laitah ahijih in thabei natheinatoh akonna nakikang secheh diu ahi.
37A chung a kimin phah chengsehi Pakaija dia phat tepsa kut hochuahin, hiche nading chun Israel chatekoukhom soh keiyun lang, khompitheng toh thoa, thilto ding ho ahin, pumgo thilto doh na a naman diu, anikho mama a abol ding dan jousegovam ding hihen, donthei lengpitui hi jongle,
38Hiche ho jouse hi na bonchauva Pakaija dia na thiltou hichu deilhen choma na thilto uva ahitan, chule athenso ho jouse jao nan, na thil pehdoh jouse’u leh Pakaijadia cholngah nikho le adang dangnanitkim sel hou kisim tha lou lai ahi.
39Lhasagi chan nisom leh ningalhin nikho, na boncha uva gamsunglho sohga na chop kimsoh niuvapat na sim uva Pakaija dia ni sagisung sese’a kut tang louva na boljom jing diu; hiti chun kut akipatnichu choldo nikho theng hiding, niget lhin nichan chu choldo nikhoanaman diu ahi.
40Kut kipat nikho teng thingahoilai lai nalo lhah diu, lusu natampi jaona, thingboh phatah tah nahelhah diu, vadung pang lah a toom do he toh thoa, hicheng chu na ki choi uva, na Pakai ju leh na Pathen u angsung’a tang louva nakipa jing diu ahi tai.
41Kumkhat seh le Pakai henglama ni sagi tang louva kut khat na bol jing diu, hichu na khang lhumkei uva chonna dan ngaiya naman chah jing diule lhasagi lhinna lhasung a chu naman tei tei diu ahi ati.