Thempu Dan 15:7-15

⁷Hi tabang achu koi hi jong lehiche athi longpa tahsa tongkhachan chun, aponsil jouse akisoptheng a, ama jeng jong tuiya kisillha ding, nilhum keiya atheng lou aum ding ahi.

⁸Chutia chu athi longpa chun mikoi tobang khat chu ngimsel a aumpet a achil aset khum khah banga ahile, aset khum pen pen chunaponsil jouse akisop ngim ding, ama tah jong tuija kisil lha ding, nilhum keija atheng louva um ding ahiye.

⁹Chule hiche athia longpa tounasakol jeng jong chu atheng louvaum ding ahi.

¹⁰Ipi thil hijongle athia longpa aumsa kiti phot tongkha aum ngeingei a ahile nilhum keiya athenglouva um jing ding ahi; hitabangthil kilah khah aum le amachunaponsil jouse akisop theng ding, ama tah jeng jong tuiya kisil lha a, hi cheng jouse nung a chu nilhumkeiya atheng louva um ding ahi.

¹¹Koi hi jong le athia longpanakhut tuiya sop ngim louva athamkhat napen pen chun aponsil jouseakisop theng ding, ama tah jong tuiya kisil lha ding nilhum keiya atheng louva um ding ahi.

¹²Chu jongleh a thia longpan atohkhah leibel kiti phot chu suhkehjeng ding; chule thing akonnakisem manchah ahikhah jonglehichu tuiya sop ngim sel ding ahi.

¹³Athia longpa chu aki bol damteng, a thilon jeh a suhdam na achanjal achu amapan jong a kisuh thengna ding ani sagi sung anga nah laiding, aponsil jouse jong akisopngimsoh hel ding ahi; atahsa ahinpijeng jong chu tuilong alhai lai munkhat achu akisil theng a, hiche tengchule atheng ding ahi tai.

¹⁴Niget alhin teng athia longpachun vakhu ni ahiloule valpa nouniham ahin choi ding, kikhop khomna ponbuh kotphung bul a Pathenangsung a hung lut ding, hichevachateni chu thempupa heng aapeh lut ding ahiye.

¹⁵Vachateni chu khat penpenthempupan alah a chonset thiltoding a atodoh peh ding, adang khatpen chu pumgo thilto a atodoh peha; thempu pan jong athia longpading jalla Pathen angsung a athoiding ahi.