Taruxui 28:20-26 in Susu

²⁰ Na na a ra, n naxa wa wo tofe alako n xa wɔyɛn wo ra, barima Isirayilakae xaxili tixi xɛɛra naxan na, na xa fe nan a toxi e yi yɔlɔnxɔnyi saxi n ma.»

²¹ E naxa a yaabi, «Muxu mu bataaxɛ yo sɔtɔxi i xa fe ra keli Yudaya. Won ngaxakerenyi yo mu faxi fe ɲaaxi falade i xa fe ra.

²² Kɔnɔ, muxu wama a kolonfe nɛ i naxan maɲɔxunxi, barima muxu a kolon e yi diinɛ xa fe ibaxantinma yire birin.»

²³ Pɔlu naxa lɔxɔɛ keren so e yi. Mixi wuyaxi to fa a xɔnyi, Pɔlu naxa Ala xa mangɛya seedeɲɔxɔya ba. A naxa Isa xa fe masen e bɛ Tawureta Munsa nun namiɲɔnmɛe xa Kitaabui saabui ra keli gɛɛsɛgɛ han nunmare.

²⁴ Ndee naxa la a ra, kɔnɔ booree mu danxaniya.

²⁵ E to nu fatanma lantareya kui, Pɔlu naxa yi masenyi sa a fari, «Ala Xaxili Sɛniyɛnxi a fala nɛ wo benbae bɛ nɔndi ki ma Annabi Esayi saabui ra. A naxɛ,

²⁶ ‹Siga yi mixie xɔn ma, i xa a fala e bɛ: “Wo a mɛma wo tulie ra, kɔnɔ wo mu a fahaamuma. Wo a toma wo yae ra, kɔnɔ wo mu a igbɛma.”

²⁰ نَ نَ عَ رَ، ﭑ نَشَ وَ وٌ تٌقٍ عَلَكٌ ﭑ شَ وْيّن وٌ رَ، بَرِ مَ عِسِرَيِلَكَيٍ شَشِلِ تِشِ شّيرَ نَشَن نَ، نَ شَ قٍ نَن عَ تٌشِ عٍ يِ يْلْنشْنيِ سَشِ ﭑ مَ.»

²¹ عٍ نَشَ عَ يَابِ، «مُشُ مُ بَتَاشّ يٌ سْتْشِ عِ شَ قٍ رَ كٍلِ يُدَيَ. وٌن نفَشَكٍرٍنيِ يٌ مُ قَشِ قٍ حَاشِ قَلَدٍ عِ شَ قٍ رَ.

²² كْنْ، مُشُ وَ مَ عَ كٌلٌنقٍ نّ عِ نَشَن مَحْشُنشِ، بَرِ مَ مُشُ عَ كٌلٌن عٍ يِ دِينّ شَ قٍ عِبَشَنتِنمَ يِرٍ بِرِن.»

²³ ثْلُ نَشَ لْشْي كٍرٍن سٌ عٍ يِ. مِشِ وُيَشِ تٌ قَ عَ شْنيِ، ثْلُ نَشَ عَلَ شَ مَنفّيَ سٍيدٍحْشْيَ بَ. عَ نَشَ عِسَ شَ قٍ مَسٍن عٍ بّ تَوُرٍتَ مُنسَ نُن نَمِحْنمّيٍ شَ كِتَابُي سَابُي رَ كٍلِ فّيسّفّ هَن نُنمَرٍ.

²⁴ ندٍيٍ نَشَ لَ عَ رَ، كْنْ بٌورٍيٍ مُ دَنشَنِيَ.

²⁵ عٍ تٌ نُ قَتَنمَ لَنتَرٍيَ كُي، ثْلُ نَشَ يِ مَسٍنيِ سَ عَ قَرِ، «عَلَ شَشِلِ سّنِيّنشِ عَ قَلَ نّ وٌ بٍنبَيٍ بّ نْندِ كِ مَ عَننَبِ عٍسَيِ سَابُي رَ. عَ نَشّ،

²⁶ ‹سِفَ يِ مِشِيٍ شْن مَ، عِ شَ عَ قَلَ عٍ بّ؛ “وٌ عَ مّمَ وٌ تُلِيٍ رَ، كْنْ وٌ مُ عَ قَهَامُمَ. وٌ عَ تٌمَ وٌ يَيٍ رَ، كْنْ وٌ مُ عَ عِفبّمَ.”