Tang Ko Pitang 8:4-11

⁴Mmicheged ngog, gimed e ppin nu Jerusalem, ni dab magawon niged e adag romow.

⁵Mini’ e re rugod ney ni be yib u daken e ted i yib, ni yow ba mokol pa’ef e en ni gamaren? Fare Pin U tan fare ke arfath e ug pugem riy, ko gin nni gargel nigem riy.

⁶Mu ning an’um ko gubin e adag kemus ni birog e ngam bing ngay; dariy be’ ni ngamun’ ngalan ngorngorem kemus ni go’ gag. Adag e bod feni gel gelngin e yam’; amithun e adag e bod feni gel e yam’. Ma gabulbul e daramram riy nge gak’ ni bod ba nifiy nib gelmirin.

⁷Ran e dabiyag ni nge thang; ma dariy ba sugbur nra tharey. Machane fa’anra guy be’ rogon ni nge chuwi’iy e adag ko machaf rok, ma kemus ni fanenikan e ra yib riy ngak.

⁸Bay walagmad ni bpin ni kab bitir, ni dawori yib thuthun. Mang e ngad rin’ed ni fan ngak u nap’an nra par nga puluwon be’?

⁹Fa’an mang e ir bang i rungrung, ma gadad ra toy ba wulyang ni silber ni fen. Machane fa’an mang e ba garog, ma gadad ra rungrunguy ko ren ni cedar.

¹⁰I gag e gu bang i rungrung, ma thuthug e wulyang riy. Adag rog e manang ni ir e gu ma pir’eg e felfelan’ nge gapas rok.

¹¹I Solomon e bay bang i grape ni fi’in u bang i n’en ni yima yog ni Baal Hamon. Bay girdi’en e woldug ni yad ma rent nag rok; nra bagyad mma pi’ puluwon ni bbiyu’ yang e silber.