1Anumzamofo eri'zampi nagra Poli'na kina hu'nena, Jisas Kraisi aposol ne'mo'na, Anumzamo huhampri zamante'nea vahe zamentinti zamazeri hampo'na nehanuge'za tamage antahi'zamofo amage'nente'za, anumzamofo (godly) avu'avapi fatgo hu'za mani'nesageno,
2manivava asimu fore hanigu tamentinti nehuta avega antesune. Havige osu Anumzamo ama mopa fore osu'negeno, korapa huvempa hunte'neane.
3Hianagi Agra hunte'nea kna efore higeno, ke'amo eama higeno, mono ke hu'zana nagri hunantege'na, Anumza Tzahu ne'mofo (Savior) kasege'afi nehue.
4Taitusiga tamage mofavre'nimoka, mago'ke tamentinti nehu'a ne'mokarega ama avona kre negamue, Arimpa fruzane, asunku'zanena, Anumza Nerfantegati ene, Kraisi Jisasi tazahuno taguvazi ne'mo'a asunkuzama'aretira karimpa frua kamigahie.
5Nagrama Kritima katre'na vu'noana amanahure, kagra inazama vgaore'nesia zana eri fatgo hunka, mono nonte vugota vahera (elda) magoke magoke kumate nagrama kasamisure zamazeri otitere huo.
6Hanki mono kva vahe'ma zamazeri otisunka, hazenke'a omane, magoke a' ante'nesia vahe, mofavre zga'amo zamentinti nehina, ke amge'a nentesageno, mofavre zga'agu hazenke nehaze huza nosnia vahe azeri otio.
7E'igu mono kva vahera hazenke'a omneno, na'ankure Anumzamofo eri'zante kegva hugahie. Agra'a avesi'za ovaririno, ame huno rimpa aka oheno, aka tinte negia oneno, ke hakare osuno, havi kanteti feno e'norisia vahe azeri otigahane.
8Hu'neanagi vaheku vhaku'ma nehuno, knare'zanku avenesino, agra'a mani'za kegva nehuno, fatgo avu'ava nehuno, mani otge nehuno, ke amage' nenteno,
9tamage kema husmi'naza kere amentinti nehuno, agra mago'amokizmia so'e ke nezmasmino, huhaviza hanamokizmi'a zamazeri fatgo nehuno, zamaverihugahie.
10Na'ankure maka vahe'mo'za vugote'naza vahe kea ha' renente'za, rumokizmigu krunage nehu'za rezmatga nehzana Jiu nagama vene'ne zamufa tga nehaza naga'ene tragote'naza vahe'mo'za anara nehaze.
11Zamasminke'za zamagira hamunki'za maniho, na'ankure zamagra maka famo, tramena havi kefinti huzmasmi'za tamage kefintira, zamazeri havi kampi nezmatraze. Zamagra zgo erinaku ana nehaze.
12Mago Kriti ne' amu'no zamifi korapa kasnampa ne' (profet) mani'nea ne'mo, zamagriku amanage hu'ne, Kriti vahe'mo'za maka zupa havigege nehu'za afi' zgagfagna hu'za mani'naze. Feru vahe mani'ne'za, zamagra zamarimpa eri avite zanku'ke nehaze.
13Ama kea tamage naneke, hu'negu hampo'na kefinti huge'za, zamentintifina fatgo huza mani'ne'za,
14Jiu vahe'mokizmi kanihe kere'ene, kase ke zamirera, tamagesa antahiozmiho zamagra tamage kea zamefi humi'za novaririze.
15Tamage, hakare veamo'za avusesema hu'nenageno'a hakare zamo'a avusese hu'ne. Hianagi zamentinti osu namokizmi'a, mago zamo'a avusese osu'ne. Tmage zamagu zamagesamo ene antahintahi zamimo'a haviza hu'ne.
16Zamagra Anumzamofona antahita keta hu'none hu'za zamagitetira nehaze. Hu'nazanagi, mani'zazmifina zamagra zamefi Agrira hunemize. Zamuzma antaza zamo'a kasri'ne, kea amage' onte'za, mago knare'za hugara osu'naze.
