Taalie 18:17-24 in Susu

¹⁷ Mixi naxan singe a yɛtɛ xun mafalama fe kui, a luma nɛ alɔ nɔndi na a tan nan bɛ, kɔnɔ a kalamuti maxɔrinyi xɔrɔxɔɛ tima nɛ a ma.

¹⁸ Fe lufe Ala ma a sɔnxɔɛ ɲɔnma nɛ, a gere ɲɔn sɛnbɛmae tagi.

¹⁹ Mixi konbixi xa bɔɲɛ xɔrɔxɔɛ luma nɛ alɔ taa makantaxi. Na sɔnxɔɛ mɔɔli xɔrɔxɔ dangife geeli kondonyi ra.

²⁰ Adama xa masenyi nɔma a baloe fide a ma, a hayi fanma nɛ a xa wɔyɛnyi saabui ra.

²¹ Faxɛ nun simaya fatanma mixi xa wɔyɛnyi nan na. Wɔyɛnla a sare sɔtɔma nɛ.

²² Ginɛ sɔtɔfe findixi hɛɛri nan na, naxan fatanxi Alatala ra.

²³ Setare mayandi tima, kɔnɔ se kanyi a yaabima a xɔrɔxɔɛ nan na.

²⁴ Xa mixi booree wuya, na nɔma findide tɔɔrɛ ra a bɛ, kɔnɔ boore nde na na naxan fan a ngaxakerenyi bɛ.

¹⁷ مِشِ نَشَن سِنفٍ عَ يّتّ شُن مَقَلَمَ قٍ كُي، عَ لُمَ نّ عَلْ نْندِ نَ عَ تَن نَن بّ، كْنْ عَ كَلَمُتِ مَشْرِنيِ شْرْشْي تِمَ نّ عَ مَ.

¹⁸ قٍ لُقٍ عَلَ مَ عَ سْنشْي حْنمَ نّ، عَ فٍرٍ حْن سّنبّمَيٍ تَفِ.

¹⁹ مِشِ كٌنبِشِ شَ بْحّ شْرْشْي لُمَ نّ عَلْ تَا مَكَنتَشِ. نَ سْنشْي مْولِ شْرْشْ دَنفِقٍ فٍيلِ كٌندٌنيِ رَ.

²⁰ عَدَ مَ شَ مَسٍنيِ نْمَ عَ بَلٌي قِدٍ عَ مَ، عَ هَيِ قَنمَ نّ عَ شَ وْيّنيِ سَابُي رَ.

²¹ قَشّ نُن سِمَيَ قَتَنمَ مِشِ شَ وْيّنيِ نَن نَ. وْيّنلَ عَ سَرٍ سْتْمَ نّ.

²² فِنّ سْتْقٍ قِندِشِ هّيرِ نَن نَ، نَشَن قَتَنشِ عَلَتَلَ رَ.

²³ سٍتَرٍ مَيَندِ تِمَ، كْنْ سٍ كَنيِ عَ يَابِمَ عَ شْرْشْي نَن نَ.

²⁴ شَ مِشِ بٌورٍيٍ وُيَ، نَ نْمَ قِندِدٍ تْورّ رَ عَ بّ، كْنْ بٌورٍ ندٍ نَ نَ نَشَن قَن عَ نفَشَكٍرٍنيِ بّ.