Taalie 15:7-28 in Susu

⁷ Lɔnnilae xa wɔyɛnyie xaxili fima nɛ mixi ma, kɔnɔ fe fanyi yo mu na lɔnnitaree bɔɲɛ kui.

⁸ Alatala mixi ɲaaxi xa sɛrɛxɛ xɔnma, kɔnɔ a tinxintɔɛ xa duba suxuma nɛ.

⁹ Alatala mixi ɲaaxi xa kira xɔnma, kɔnɔ mixi naxan birama tinxinyi fɔxɔ ra a rafan a ma.

¹⁰ Kira fanyi bɛɲinfe findima ɲaxankatɛ nan na. Xurutareɲa mixi xun tima faxɛ kira nan ma.

¹¹ Alatala to fe birin kolon, hali naxan nabama aligiyama nun yahannama, a ibunadama bɔɲɛ fan kolon.

¹² Yɛtɛ igboe mu wama marasi xɔn ma, a mu sigama lɔnnila yire.

¹³ Bɔɲɛ sɛɛwaxi mixi lahalɛ fanma, kɔnɔ bɔɲɛ tɔɔrɔxi mixi lahalɛ kanama nɛ.

¹⁴ Xaxilima lɔnni nan fenma, kɔnɔ xaxilitare daxu wɔyɛnyi nan tun falama.

¹⁵ Hali misikiinɛ tɔɔrɔ a xa simaya kui, xa a bɔɲɛ sɛɛwaxi, na findima nɛ baloe ra a bɛ.

¹⁶ Setare Ala yaragaaxui, fan banna xaxili ifuxi bɛ.

¹⁷ Bande ɲiɲɛ donfe xanunteya kui, na fan sube donfe bɛ gbɛsɛnxɔnnɛya kui.

¹⁸ Bɔɲɛ rate gere xɔrɛ isɔxɔma nɛ, bɔɲɛ ragore sɔnxɔɛ raxinbelima nɛ.

¹⁹ Tunnaxɔnɛ xa kira mabalanxi tunbee nan na, kɔnɔ tinxintɔɛ xa kira ɲɛrɛ ɲɔxun.

²⁰ Di lɔnnixi findima sɛɛwɛ nan na a baba bɛ, kɔnɔ di lɔnnitare yoma nɛ a nga ma.

²¹ Xaxilitareɲa rafan lɔnnitare ma, kɔnɔ xaxilima xa kira tinxin.

²² Marasitareɲa wali kanama nɛ, kɔnɔ marasi gbegbe wali nan sɔɔnɛyama.

²³ Sɛɛwɛ na mixi bɛ naxan fata a boore yaabide. Wɔyɛnyi tide gbo naxan falaxi a fala ki ma nun a fala tɛmui ma.

²⁴ Xaxilima xa kira a ratema nɛ koore ma, a a mali a xa aligiyama kira matanga.

²⁵ Alatala yɛtɛ igboe xa banxi rabirama nɛ, kɔnɔ a kaaɲɛ ginɛ xa bɔxi makantama nɛ.

²⁶ Maɲɔxun kobi raɲaaxu Alatala ma, kɔnɔ wɔyɛn fanyi tan sɛniyɛn.

²⁷ Milante findima nɛ tɔɔrɛ ra a xa denbaya bɛ, kɔnɔ naxan mu wama geeni tinxintare xɔn, na kanyi kisi nan sɔtɔma.

²⁸ Tinxintɔɛ fe matoma nɛ a fanyi ra beenu a xa yaabi nde fi, kɔnɔ fe ɲaaxi mafura minide mixi ɲaaxi dɛ i.

⁷ لْننِلَيٍ شَ وْيّنيِيٍ شَشِلِ قِمَ نّ مِشِ مَ، كْنْ قٍ قَنيِ يٌ مُ نَ لْننِتَرٍيٍ بْحّ كُي.

⁸ عَلَتَلَ مِشِ حَاشِ شَ سّرّشّ شْنمَ، كْنْ عَ تِنشِنتْي شَ دُبَ سُشُمَ نّ.

⁹ عَلَتَلَ مِشِ حَاشِ شَ كِرَ شْنمَ، كْنْ مِشِ نَشَن بِرَ مَ تِنشِنيِ قْشْ رَ عَ رَقَن عَ مَ.

¹⁰ كِرَ قَنيِ بّحِنقٍ قِندِ مَ حَشَنكَتّ نَن نَ. شُرُتَرٍحَ مِشِ شُن تِمَ قَشّ كِرَ نَن مَ.

¹¹ عَلَتَلَ تٌ قٍ بِرِن كٌلٌن، هَلِ نَشَن نَبَمَ عَلِفِيَمَ نُن يَهَننَمَ، عَ عِبُنَدَ مَ بْحّ قَن كٌلٌن.

¹² يّتّ عِفبٌي مُ وَ مَ مَرَ سِ شْن مَ، عَ مُ سِفَمَ لْننِلَ يِرٍ.

¹³ بْحّ سّيوَشِ مِشِ لَهَلّ قَنمَ، كْنْ بْحّ تْورْشِ مِشِ لَهَلّ كَنَمَ نّ.

¹⁴ شَشِلِمَ لْننِ نَن قٍنمَ، كْنْ شَشِلِتَرٍ دَشُ وْيّنيِ نَن تُن قَلَمَ.

¹⁵ هَلِ مِسِكِينّ تْورْ عَ شَ سِمَيَ كُي، شَ عَ بْحّ سّيوَشِ، نَ قِندِ مَ نّ بَلٌي رَ عَ بّ.

¹⁶ سٍتَرٍ عَلَ يَرَفَاشُي، قَن بَننَ شَشِلِ عِقُشِ بّ.

¹⁷ بَندٍ حِحّ دٌنقٍ شَنُنتٍيَ كُي، نَ قَن سُبٍ دٌنقٍ بّ فبّسّنشْننّيَ كُي.

¹⁸ بْحّ رَتٍ فٍرٍ شْرّ عِسْشْمَ نّ، بْحّ رَفٌرٍ سْنشْي رَشِنبٍلِمَ نّ.

¹⁹ تُننَشْنّ شَ كِرَ مَبَلَنشِ تُنبٍيٍ نَن نَ، كْنْ تِنشِنتْي شَ كِرَ حّرّ حْشُن.

²⁰ دِ لْننِشِ قِندِ مَ سّيوّ نَن نَ عَ بَبَ بّ، كْنْ دِ لْننِتَرٍ يٌمَ نّ عَ نفَ مَ.

²¹ شَشِلِتَرٍحَ رَقَن لْننِتَرٍ مَ، كْنْ شَشِلِمَ شَ كِرَ تِنشِن.

²² مَرَ سِتَرٍحَ وَلِ كَنَمَ نّ، كْنْ مَرَ سِ فبٍفبٍ وَلِ نَن سْونّيَمَ.

²³ سّيوّ نَ مِشِ بّ نَشَن قَتَ عَ بٌورٍ يَابِدٍ. وْيّنيِ تِدٍ فبٌ نَشَن قَلَشِ عَ قَلَ كِ مَ نُن عَ قَلَ تّمُي مَ.

²⁴ شَشِلِمَ شَ كِرَ عَ رَتٍمَ نّ كٌورٍ مَ، عَ عَ مَلِ عَ شَ عَلِفِيَمَ كِرَ مَتَنفَ.

²⁵ عَلَتَلَ يّتّ عِفبٌي شَ بَنشِ رَبِرَ مَ نّ، كْنْ عَ كَاحّ فِنّ شَ بْشِ مَكَنتَمَ نّ.

²⁶ مَحْشُن كٌبِ رَحَاشُ عَلَتَلَ مَ، كْنْ وْيّن قَنيِ تَن سّنِيّن.

²⁷ مِلَنتٍ قِندِ مَ نّ تْورّ رَ عَ شَ دٍنبَيَ بّ، كْنْ نَشَن مُ وَ مَ فٍينِ تِنشِنتَرٍ شْن، نَ كَنيِ كِسِ نَن سْتْمَ.

²⁸ تِنشِنتْي قٍ مَتٌمَ نّ عَ قَنيِ رَ بٍينُ عَ شَ يَابِ ندٍ قِ، كْنْ قٍ حَاشِ مَقُرَ مِنِدٍ مِشِ حَاشِ دّ عِ.