Taalie 10:2-11 in Susu

² Harige sɔtɔ ki ɲaaxi mu sese gasama mixi ma, kɔnɔ tinxinyi nan simaya fima mixi ma.

³ Alatala mu mixi tinxinxi luma kaamɛ ra, kɔnɔ a tondima nɛ mixi ɲaaxi waxɔnfe ra.

⁴ Bɛlɛxɛ walitare setareɲa nan bɛndunma mixi ma, bɛlɛxɛ wakilixi bannaya nan fima mixi ma.

⁵ Di naxan wakilima xɛ xaba tɛmui a findixi xaxilima nan na, kɔnɔ di naxan xima xɛ xaba tɛmui a findixi yaagi nan na a baba bɛ.

⁶ Barakɛ na mixi tinxinxi fɔxɔ ra, gbaloe bira nɛ tinxintaree fɔxɔ ra.

⁷ Tinxintɔɛ xili findima duba nan na, kɔnɔ mixi ɲaaxi xili lɔɛma nɛ.

⁸ Lɔnnila tinma lude sɛriyɛ bun ma, kɔnɔ lɔnnitare xa wɔyɛnyi a xun nakanama nɛ.

⁹ Mixi naxan ɲɛrɛma nɔndi ra, a ɲɛrɛma kantari nan kui, kɔnɔ mixi naxan mu a ɲɛrɛma tinxinyi ra, na tan fama rayarabide nɛ.

¹⁰ Mixi naxan nɔndi nɔxunma a booree ma, a e tɔɔrɔfe nɛ. Dɛ kanyi xaxilitare a xun nakanama nɛ.

¹¹ Wɔyɛnyi tinxinxi tinxintɔɛ xa simaya xɔn kuyama nɛ, kɔnɔ mixi ɲaaxi tan dɛ gbaloe raminima nɛ.

² هَرِفٍ سْتْ كِ حَاشِ مُ سٍسٍ فَسَمَ مِشِ مَ، كْنْ تِنشِنيِ نَن سِمَيَ قِمَ مِشِ مَ.

³ عَلَتَلَ مُ مِشِ تِنشِنشِ لُمَ كَامّ رَ، كْنْ عَ تٌندِ مَ نّ مِشِ حَاشِ وَشْنقٍ رَ.

⁴ بّلّشّ وَلِتَرٍ سٍتَرٍحَ نَن بّندُنمَ مِشِ مَ، بّلّشّ وَكِلِشِ بَننَيَ نَن قِمَ مِشِ مَ.

⁵ دِ نَشَن وَكِلِمَ شّ شَبَ تّمُي عَ قِندِشِ شَشِلِمَ نَن نَ، كْنْ دِ نَشَن شِمَ شّ شَبَ تّمُي عَ قِندِشِ يَافِ نَن نَ عَ بَبَ بّ.

⁶ بَرَكّ نَ مِشِ تِنشِنشِ قْشْ رَ، فبَلٌي بِرَ نّ تِنشِنتَرٍيٍ قْشْ رَ.

⁷ تِنشِنتْي شِلِ قِندِ مَ دُبَ نَن نَ، كْنْ مِشِ حَاشِ شِلِ لْيمَ نّ.

⁸ لْننِلَ تِنمَ لُدٍ سّرِيّ بُن مَ، كْنْ لْننِتَرٍ شَ وْيّنيِ عَ شُن نَكَنَمَ نّ.

⁹ مِشِ نَشَن حّرّ مَ نْندِ رَ، عَ حّرّ مَ كَنتَرِ نَن كُي، كْنْ مِشِ نَشَن مُ عَ حّرّ مَ تِنشِنيِ رَ، نَ تَن قَمَ رَيَرَبِدٍ نّ.

¹⁰ مِشِ نَشَن نْندِ نْشُنمَ عَ بٌورٍيٍ مَ، عَ عٍ تْورْقٍ نّ. دّ كَنيِ شَشِلِتَرٍ عَ شُن نَكَنَمَ نّ.

¹¹ وْيّنيِ تِنشِنشِ تِنشِنتْي شَ سِمَيَ شْن كُيَمَ نّ، كْنْ مِشِ حَاشِ تَن دّ فبَلٌي رَ مِنِمَ نّ.