Text copied!
CopyCompare
Soso Kitaabuie: Tawureta, Yabura, Inyila - Taalie - Taalie 10

Taalie 10:2-11

Help us?
Click on verse(s) to share them!
2Harige sɔtɔ ki ɲaaxi mu sese gasama mixi ma, kɔnɔ tinxinyi nan simaya fima mixi ma.
3Alatala mu mixi tinxinxi luma kaamɛ ra, kɔnɔ a tondima nɛ mixi ɲaaxi waxɔnfe ra.
4Bɛlɛxɛ walitare setareɲa nan bɛndunma mixi ma, bɛlɛxɛ wakilixi bannaya nan fima mixi ma.
5Di naxan wakilima xɛ xaba tɛmui a findixi xaxilima nan na, kɔnɔ di naxan xima xɛ xaba tɛmui a findixi yaagi nan na a baba bɛ.
6Barakɛ na mixi tinxinxi fɔxɔ ra, gbaloe bira nɛ tinxintaree fɔxɔ ra.
7Tinxintɔɛ xili findima duba nan na, kɔnɔ mixi ɲaaxi xili lɔɛma nɛ.
8Lɔnnila tinma lude sɛriyɛ bun ma, kɔnɔ lɔnnitare xa wɔyɛnyi a xun nakanama nɛ.
9Mixi naxan ɲɛrɛma nɔndi ra, a ɲɛrɛma kantari nan kui, kɔnɔ mixi naxan mu a ɲɛrɛma tinxinyi ra, na tan fama rayarabide nɛ.
10Mixi naxan nɔndi nɔxunma a booree ma, a e tɔɔrɔfe nɛ. Dɛ kanyi xaxilitare a xun nakanama nɛ.
11Wɔyɛnyi tinxinxi tinxintɔɛ xa simaya xɔn kuyama nɛ, kɔnɔ mixi ɲaaxi tan dɛ gbaloe raminima nɛ.

Read Taalie 10Taalie 10
Compare Taalie 10:2-11Taalie 10:2-11