Solomon 6:1-7

¹He kezegwayan he vahi, hendei en is minahal nu? Hendei man sikandin mebpevayà su ed-uǥupan dey sikew te kebpen-ahà kandin?

²Midhendiyà is minahal ku te pemuleey zin he neeneb te menge pinemula he ebeelan he pehemut. Ebpepenabtab sikandin dutun te menge uyaǥen din wey ebpenguwa te menge liryu.

³Kediey zà is minahal ku, ne kandin e zà. Ibpepenabtab din is menge uyaǥen din diyà te zuen duen menge liryu.

⁴Utew ka mekempet, pelanggè ku. Iring is kekempet nu te kekempet te inged he Tirza wey Jerusalem. Utew ka meupiya he ed-ahaan iring te menge sundaru he zuen dan menge bendirà.

⁵Kenà a kenikew tengtengi su henduen be te egkereney a tenged kenikew. Is bulvul nu henduen be te sengeleyuzan he kambing he edtupang puun te Buntud te Gilead.

⁶Is menge ngipen nu iring keputì te kerehidu he veǥu pa he neziǥù. Wazà netarin kayi ne meupiya is kebpemekesavuk dan.

⁷Is enaping nu he netembunan te lembung nu meriǥàriǥà iring te prutas he pumigranata.