Solomon 5:1-6

¹Eno we, nage eno hobolu du mu da, ena te ena giba asalio. Tama eno te wiegi yai denami ebo nai dabe sisinagasali. Eno te wiegi yai pusu yai nai hani tuali. Te eno ame pę me wain dali tuali. Dage si abagi wali wiegi yai mu da, dage si nai me ąį tuao, dage si mu pągąną pao.

²Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.

³Eno ena gudali ugwa peda muani, tama eno te ugwa ma gudubo hagela ebao. Eno ena sągą ąį telawali, te ena hogodama biliyu, te sągą meda ma ilibo te ena hagela ebuo.

⁴Tialima, eno abagi wali bidigo te sunumide daganama, uga siyu, edaba tola siyu ebo nai handelba nogo tola sagasida wabo eno odama, tama eno haliga hogodalu, te eno wiegi yai homu pemene yalio.

⁵Ena hodalu, sunumi dawainu yali. Eno nogo te sunumide daganani uga tola siyu, eda tola siyu ebo nai handelba nogo diąbadi, tama ena nogode elaluali te sandago te sunumide daganani nai handelde te sanda dagana sali.

⁶Eno ena abagi sunumi dalali. Tiali goli, aga pai yalio, tama eno aga subeo. Eno agai wali pode homu kone palama, tama eno haliga dwai mu yalio. Te eno aga gegebo sę yali, tiali goli eno aga me subeo. Eno aga i wali, tiali goli agai eno i weyu me ponobeo.