Solomon 4:6-9

⁶Yu olsem wanpela maunten i pulap long ol samting i gat gutpela smel. Na bai mi go i stap long dispela maunten inap long san i go daun na ples i kol.

⁷Pren bilong mi, yu naispela tumas. I no gat wanpela mak i stap long skin bilong yu.

⁸Meri bilong mi, yu kam wantaim mi na mitupela i lusim ol maunten bilong Lebanon na mitupela i go. Yu lusim het bilong maunten Amana na maunten Senir na maunten Hermon na yu kam daun. Ol laion na ol arapela wel abus i stap long ol dispela maunten.

⁹Yu meri bilong mi na yu lewa tru bilong mi. Yu lukim mi liklik tasol na yu katim lewa bilong mi. Mi lukim bis long nek bilong yu na mi pundaun tru long yu.