Solomon 4:2-9

²Is menge ngipen nu iring keputì te kerehidu he veǥu he neelutan wey neziǥù. Wazà netarin kayi wey meupiya is kebpekesavuk dan.

³Is bivig nu henduen be te kanggan he ribun. Utew iyan heini mekempet. Is enaping nu he netembunan te lembung nu ne henduen be te meriǥàriǥà he prutas he pumigranata.

⁴Is lieg nu henduen be te turi ni David he utew mekempet is kebenguna zuen. Mibelieǥan heini te henduen be te utew mahabet he kelasag te menge sundaru.

⁵Is dezuwa he susu nu henduen be te sereping he nati te kuleping he ebpenabtab diyà te zuen duen menge liryu.

⁶Dutun te kenè pa egkeriwasriwas wey kenè pa egkaawà is merusirem, ne kenà a ed-awà diyà te kumeng nu he henduen be te menge vuntud he ebmeǥuymuyan te kehemut te mira wey veyewà.

⁷Utew ka iyan mekempet is pelanggè ku. Wazà iyan igkesawey kenikew.

⁸Duma ka kediey puun te Lebanon, minahal ku. Edtupang ki puun te puntur te menge vuntud te Amana, Senir, wey Hermon, he ed-ubpaan te menge erimaung wey menge liyupardu.

⁹He pelanggè ku he minahal, sengepedsirap nu zà kedì ne nevihag nu en is gehinawa ku wey tenged te sevaha zà he zayandayan te belieg nu.