Solomon 1:3-6

³Skin bilong yu i gat gutpela smel. Mi harim nem bilong yu na mi amamas, olsem mi save amamas long gutpela sanda. Ol meri i save laikim yu tumas.

⁴Yu kisim mi na yumi ranawe i go. Yu olsem king bilong mi, na yu kisim mi i go long rum bilong yu. Bai yumi amamas wantaim. Yu save laikim mi tumas, olsem na yumi amamas tru. Amamas bilong yumi i winim amamas bilong ol man i laikim wain. Yu moa yet. Olsem na olgeta meri i pundaun tru long yu.

⁵Yupela ol meri bilong Jerusalem, harim. Skin bilong mi i blak, tasol mi naispela tumas. Skin bilong mi i blak olsem ol haus sel bilong ol Kedar long ples drai. Tasol mi naispela tumas olsem ol naispela laplap i hangamap i stap long haus bilong King Solomon.

⁶Tru, skin bilong mi i blak, tasol yupela i no ken ting mi olsem wokmeri nating. San i kukim mi na skin i kamap olsem. Ol brata bilong mi i bin kros long mi na mekim mi i go lukautim ol gaden wain. Olsem na mi no inap lukautim gut skin bilong mi yet.