10Tsí kakaꞌan túꞌun Xuva kō: Tsí taxnūu ña ánje ñā é viī ñá o kuenta, é kūnuu méꞌñu kūnuu dava ña o.
11Kūrkaa ánjē san o, vata koo é ña nákɨꞌɨn nté uun xuu, kaꞌan —kaꞌan tóꞌō e ña váꞌā san ni Jésuu.
12Ne, nántiko kōó Jesuu, kakáꞌan ñá ni ī: —Duꞌvā ó kakaꞌan túꞌun Xuva kō dɨ: “Ñá ku ntē dúkuan kōto nteen Tóꞌo o Xuva ō”, kaꞌan —kaꞌan ñá nī é ña váꞌā san.
13Dā ña ni kuvi vii tóꞌō e ña váꞌā san nté koo vii é kōꞌxó ntēé Jesuú ne, kīi nteé xio, kueꞌen.
14Nāxee Jésuu ñuú Galilea, nuu tsitu nima ñá Espíritū Sántū san é viī ñá tsiñu ña. É da míꞌī ká ñuú ntákaꞌan ñáꞌa san íña Jésuu.
15Nakuáꞌa ña ñāꞌa san taꞌán ñuu taꞌán ñuu má viꞌī mi ntánataká nuu ña Israee. Un ntɨɨ́ ntɨ̄ɨ́ ñaꞌa san ntákaꞌan ñá e dóo vaꞌá Jesuu.
16Kidáā né, nāxee Jésuu ñuú Nazaree, mí éꞌnu ña. Ntuvi dá iō dáꞌna ne, kuéꞌen ñā má viꞌī mí nataká nuu ña Israee váta xkoó ini ña. Nákuntītsí ña é nakuāꞌa ña túꞌun Xuva kō.
SAN LUCAS 4
SAN LUCAS 4:10-16