SAN LUCAS 17:16-20

¹⁶Bi nda̱ndiña̱jmu̱ pʉ jáy hua car Jesús, bi ndo ani jöy cja̱ bi dyöjpi cjama̱di. Múr mi̱ngu̱ car jöy Samaria car hñøjø‑ca̱.

¹⁷Bi ma̱n car Jesús, bbʉ, bi xih cʉ cja̱hni cʉ mbá yojmi: ―Sá, mí ddɛtta hñøjø xtú jojqui. ¿Jabʉ i bbʉj ya cʉ pé dda gʉjtjo cʉ xí zö?

¹⁸¿Dyoca̱ jí̱ xcá dyöjqui cjama̱di guegue‑cʉ? Ddatsjɛ nʉr hñøjø‑nʉ xpá ngoy, xí xöjtibi ca Ocja̱, cja̱ hné̱, jin gur judio‑nʉ.―

¹⁹Cja̱ diguebbʉ ya bi nzoh car hñøjø‑ca̱, bi xifi: ―Bböj ya, cja̱ gui me ir ngu̱. Ya xcú töti car nzajqui ca jin da tjegue, como xcú hñe̱me̱gui.―

²⁰Ca hnajpa cʉ fariseo bi dyönijʉ car Jesús tema mpa di mʉdi di mandado ca Ocja̱ hua jar jöy. Car Jesús bi da̱di: ―Jin da ncca̱hti bbʉ xta mʉdi xta mandado ca Ocja̱ hua jar jöy.