San Juan 5:6-11

⁶Catiꞌ bléꞌinëꞌ dëꞌ niꞌ bönniꞌ huëꞌ naꞌ Jesús, len ráquibeꞌinëꞌ chguc zian iz réꞌinëꞌ, gnabnëꞌ lëꞌ, rnëꞌ: ―¿I rëꞌnnuꞌ huöacuꞌ?

⁷Bubiꞌë didzaꞌ bönniꞌ huëꞌ naꞌ, rëꞌ Jesús: ―Bönniꞌ, nutu nu zoa cuꞌu nedaꞌ lu nis naꞌ catiꞌ rutá cuini. Tsal zijaꞌ nedaꞌ, ryaziëꞌ bönniꞌ yubl ziꞌal ca nedaꞌ.

⁸Jesús rëꞌ lëꞌ: ―Gyasch. Buaꞌ le deynuꞌ, len gzëꞌi.

⁹Laꞌ böactëꞌ bönniꞌ naꞌ, atiꞌ buꞌë le gútiꞌnëꞌ len gzëꞌë. Dza naꞌ rac cni nac dza laꞌy quequëꞌ bönniꞌ judío.

¹⁰Niꞌr glëꞌ bönniꞌ naꞌ nuhuöaquëꞌ bönniꞌ judío uná bëꞌ, taꞌnë́ꞌ: ―Dza laꞌy nac naꞌa. Cutu ral‑laꞌ uꞌu le rátiꞌnuꞌ.

¹¹Bubiꞌë didzaꞌ bönniꞌ naꞌ, rëꞌ lequëꞌ: ―Gudxczëꞌ nedaꞌ bönniꞌ naꞌ bunëꞌ nedaꞌ, gnëꞌ: “Buaꞌ le deynuꞌ len gzëꞌi.”