6 Catiꞌ bléꞌinëꞌ dëꞌ niꞌ bönniꞌ huëꞌ naꞌ Jesús, len ráquibeꞌinëꞌ chguc zian iz réꞌinëꞌ, gnabnëꞌ lëꞌ, rnëꞌ: ―¿I rëꞌnnuꞌ huöacuꞌ?
7 Bubiꞌë didzaꞌ bönniꞌ huëꞌ naꞌ, rëꞌ Jesús: ―Bönniꞌ, nutu nu zoa cuꞌu nedaꞌ lu nis naꞌ catiꞌ rutá cuini. Tsal zijaꞌ nedaꞌ, ryaziëꞌ bönniꞌ yubl ziꞌal ca nedaꞌ.
8 Jesús rëꞌ lëꞌ: ―Gyasch. Buaꞌ le deynuꞌ, len gzëꞌi.
9 Laꞌ böactëꞌ bönniꞌ naꞌ, atiꞌ buꞌë le gútiꞌnëꞌ len gzëꞌë. Dza naꞌ rac cni nac dza laꞌy quequëꞌ bönniꞌ judío.
10 Niꞌr glëꞌ bönniꞌ naꞌ nuhuöaquëꞌ bönniꞌ judío uná bëꞌ, taꞌnë́ꞌ: ―Dza laꞌy nac naꞌa. Cutu ral‑laꞌ uꞌu le rátiꞌnuꞌ.
11 Bubiꞌë didzaꞌ bönniꞌ naꞌ, rëꞌ lequëꞌ: ―Gudxczëꞌ nedaꞌ bönniꞌ naꞌ bunëꞌ nedaꞌ, gnëꞌ: “Buaꞌ le deynuꞌ len gzëꞌi.”
