1 Wana Tau Lau Kulukuluwenna, Deiwidi ana Wana Hesa Guyau, wa siba wananahaigu nuwagu ganahewana wa ita faꞌofi.
2 Egu taꞌai yo egu obiyo haꞌa wa sibaidi. Edam ya lofa in moho egu nuwanuwatuhu haꞌa wa sibaidi.
3 Egu leu, egu sae yo egu anyawasi wa sibaidi. Egu laulau mahudoꞌidi haꞌa wa itadi.
4 Guyau, hola hige liba hesa ya libaen na haꞌa wa siba.
5 Um egu eda wa bwaꞌiyen yo hinaga muligu yai wa laolaoma, em gigibwali yai wa bobobodiyegu.
6 Sibasiba doha ite mate noꞌona hige gonowagu, ya hasai wananaha be hige gonowana somo ya ita lobahi.
