SAM 9:4-10

⁴Gata wamu noman gan usanziwi waaminda kungwakaing. Gata natane yuyuknga usanziwi wamu yawiu natane wamu noman gan siwik.

⁵Ngan, gata katum aminde kaanga wam yanikuyak. Yanike gata wai aminu gwa pasiwi maiking. Siakan, gata waamindane umana aknga gatukande dotdonguwi aminu tapatuta waamindane umana dua siknga natapik.

⁶Gata iwanu gwa pasiwi maikingu ina unzing asinggan asinggan yutning. Anutu, gata waamindane yotbam gapma gapma gwa pasiwi maikingge aminu kuupbamda waaminde apbotake gatu natapnanga dua.

⁷Siwan Buyambamtapa Kingu asinggan asinggan yuwik. Yuke ita wam usanzitnangge natake gwa tandakngake yuak.

⁸Ita aminu kuupbam noman siknga kayuak. Ngan, inane noman takngane aminu yuaingu kuupbam yuyuknga saak usanziwik.

⁹Buyambamtapa you kekeknga gwenduta binga yuak. Aminu kundu iwanata meya yamukaingu, waaminu ie kuke iatang koke kusopuke take yutning.

¹⁰Buyambam tapa, gata aminu gae apukaingu masa dua yamunggayak. Unzingge aminu gatane yapiie atnataaing ganu gae gepbiatang koyutning.