Sam 96:2-12

²Minak pixan ti Leeme Silok, la mina emi asu min! At levenaleng axap mina vavang mi lagale lavavang do neni ga lox asepmus nedik.

³Mina vavang asu lisisixam teren uto at larabung mixin petpes, la mina tere limixin axap mi mo lempanga lolos neni gak lox i.

⁴Leeme Silok, neni i silok aleng. Kuren la i epovo rinotno do leemi asu atdik tin na silok aleng. Loklox asinorong atnedik tin naba volo axap levenmoroa xaxarang at na lavatbung menemen.

⁵Leven moroa ap mo levenabung mixin petpes, nedi levempoovo vanga mun. Ketla mo Leeme Silok, neni ga rudum li lempanga axap tovana at lamavangkap.

⁶Lisisixam mi lisisinang duk lok kangkan i. Lolos eburu mi lempanga maraanu du umsu xeneng at loogu laplavang teren.

⁷Nemi limixin axap at lavatbung menemen, mina emi asu mi Leeme Silok. Mina emi asu mi lisisinang la lolos teren.

⁸Leemi asu ri laasen melemelengan at Leeme Silok. Mina emu eburu mi leventamtaba atnimi la mina beles de at loogu laplavang teren.

⁹At loxonaleng mo Laradi Melemelengan na vor asuvos, mina xis tintiding to melamgo ren. Lavatbung menemen axap, mina lok ngangao aleng mi lanmarat to melamgo ren.

¹⁰Mina paase i ri larabung mixin axap do, “Leeme Silok, neni Loorong Silok!” Ni lavasuun teren la lavatbung menemen it kis tuxuruxun to at loxot teren la teta noxo vuk gili i. Neni naba ila mumu limixin mi lodoxoma mokmokso.

¹¹Limixin at lavatkangka eburu mi laxalibet, minak lek! Laras, una luulung mi lomomo! Lempanga dik lok keneng taram, dinap kup momo.

¹²Levennep kangka eburu mi levempanga dik lok keneng atnimi, minak lek! La larauna ro xeneng at laxairing, dinabap kup mi leklek,