SAM 94:15-21

¹⁵Sike masande noman aminda wam yaning kopatangu yawan kuku noman gan siwik. Siwan noman aminda take ngang natake wamu nomanu waaknga tawaning.

¹⁶Maminda enake na gatangamuke wai aminu yaipakepu pewik? Maminda enake na gatangaman gutonga tasia aminda nutnangge natake tasiwa maiwik?

¹⁷Sike Anututa dua gatangamukut gamu, asikaya kupsa aminda keu yuaing kopatang na zaatgaman gwa pewam.

¹⁸Na anzing yakum, “Kepina saweknga. Na gwa pimananggenggat,” ngang yakum. Siwan ngana wena. Buyambam tapa, gata butaya siknga natangamuke na tapi nata waiakngaatang dua pimakum.

¹⁹Sike na musipmaatang meya natake sangabamde natanggamatanggat kopatangu gata tasiwi musipma kwikwiknga yuwan apbaknganggat.

²⁰Ga gwapaknga aminu kawi wai siwanu puya iat dua gatake pasikaing. Waakwakga mama wamu ina peke yawan kekekawan aminu waiaknga tasiningge yanikaing.

²¹Sike waakwau unekan yuke noman amin pasiwan mainingge yandekaing. Siwan gutonga dua tasikaing ngana temapa yanikaing. Yanike zipa kumninggen.