Sam 82:1-6

¹Nabz ne Asaf. Gct wxbuom me matq nyzde, Murde napipxle kx kxnzetung nzvz-rbrng.

²Rpibzle badr kx, “Nzaclve-krmu leplz narsakrlrngr. A' bzkq okatramu kxdrka'-ngrng nzmyaszpx-krdr kxnztubqng.

³Murde mz nzwz-krmu natubzmu mz nibr kx trpnzngr scdr da x doa kxnzbzszng, X naokatramu kxnzkxpung x kxtrnzxplrung.

⁴Murde na-arlapxbzmu krkcng trpnzngr scdr zmatq Mz mq kxdrka'-ngrng.

⁵Ngqngu-plxsramu x trpnzngr da kx krlzamu, murde nqmq krmung amrlx trka-zlwzng. X trpnzngr da kx opxm mzli ka mz nrlc.

⁶Nimu kxnzetung murde kapebo bamu zmatq ngr nzrmailz-krmu. X nimu amrlx apuamu mrlxng Gct kc tqmyalz-esz'ngr.