SAM 78:2-6

²Nata tuwang wamu gin daninangge nataat. Nata sanga inata inata tupata apu apman kusopuknga yuaingge daniwa natapnong.

³Tupa bapuninda sanga wande gwa niniwa natapbumang. Siwan ninu gwa natake atnatayuamang.

⁴Nindane waatdakaninda natapningge wamu waaknga dua takusopunim. Aho. Ninda engangu kayuu aatning kaa ayaninim. Ninda Anututane kekeknganae puya kekeknga pasike duya takngatu takngatu pasikutde ngang yaninim.

⁵Anututa mama wamu aminu Isrel nanae yamukut. Ngan, wamu wa dongu Jekopdane bapunae yanikut, waaminda atawaningge. Ita bapuninu tupa anzing yanikut, “Ginda waatdakasa katak siknga natane mama wama kuupbam yanindamutnong.”

⁶Siwan waatdaka masan aatning kaa atnatapning. Natake waaminda gatu inane waaknga aatningunin yanining.