SAM 64:5-9

⁵Sike wai aminu waakwau inae natapa kekekawan wai waaknga atasinangge nataaing. Sike wamu yakaingu keu komduatang yapapna pewan aminu kundu panggaganutningge nataaing. Siwan gatu anzing nataaing, Yapapminu kusopuknga siknga. Aminu tapatuta yapapminu kananga dua, ngang nataaing.

⁶Siwan gatu waaminu waiaknga kunduat tasinangge wamu yandekaing. Yandeke anzing yakaing, “Ninu sanga takngatu tasinangge kepi takeakanga gwa natapna kekekakut,” ngang yakaing. Sike, “Sanga wa tasinangge natapbumangu aminu tapatuta dua kakapik,” ngang yakaing. Siakan siknga, aminde natdetdetnane ba musiane yuwik kaknga kakapnanga dua. Siwan waaminda waiaknga tasiningge kepi aknga aknga katak siknga nataaing.

⁷Siwan ngana Anututanu, sakutnata yapik. Yapan zeetgaman mait sike kumning.

⁸Gatu aminu tapatu tasiwan maiwikge yawan natakengu Anututa yake tasiwan wamu wa yakaing kakngata waamin yapan maining. Siwan aminda kake kumzang yanimike gwapaknga makaitning.

⁹Sike aminbamda kake Anutue akgwautning. Siwana Anututa sanga wa tasikutde natdetdetnane asinggan natayuke yanikapning.