SAM 62:1-5

¹Na baniu kekeknga Anutu waapaekan singgat. Sike waapatakan na gatuna tapan na kayuu yuat.

²Waapatakan na kuyana yuke gatangamunggak. Ngan, ita natane damanu kekeknga gwenu unin. Unzingge na amau tasike ngana dua pimambit. Wena siknga.

³Tapduu datdasing binga amau gikat naat amake tasiwan maiwit? Sike ginda nataaingu na damanu gwenduta binga puke pimake gatukande waitdotdongukgak binga siwit.

⁴Na umana kopsaapa, siwan ngana natane umana kopsa waaknga atasiwan maiwikge tasikaing. Ginu kem wamde take siknga nataaing. Ginda wamu geyangga yake takeaknga Anututa nae take tasiwikge yakapmakaing. Siwan ngana musip zaatangu ginda anzing yakaing, “Ninda nataamangu Anututa asiknga tasiwan maiwik,” ngang yakaing.

⁵Na Anutu awiapaekan baniu kekeknga singgat. Gatu itakan gatangamikge kayuat.