SAM 54:3-7

³Aminu yamandet sikaingga apu na nutnangge tasikaing. Aminu waakwakga nuwa kupitde tasikaing. Aminu waakwakga kawanu Anutu sanga yumdekanu tapatu binga singgak.

⁴Siwan ngana Anututa ina siknga na gatangamunggak. Siakande siknga. Na Buyambam tapata kakuya tasiwawan na take yuat.

⁵Nata take aminu waakwau nanisapdukaingga kaawa sanga waiaknga tasiking kakngata panggaganuwikge nataat. Anutu, gata na dua napmake iwana gata wenagom pasiyo.

⁶Buyambam tapa, nata sanga ofa ngang yaya gae gamunangge siknga nataat. Gatane umanda take siknga. Unzingge nata umanda yatangenawit.

⁷Ita na gatangamuke meya nae apbingga na dua tasiwan maikum. Sike nata kawawa natane iwana yapbiban kakum.