Sam 47:1-6

¹Nabz ne nqvi lr Kora. Nigu leplz amrlx na-ayrlewzku da Mz nzngr-abrtz-kato-krbzku mz Yawe, Gct rgu.

²Murde na-amrlueku nide kc tqmyatxlz-esz'ngr, Mz nzngini-krde King kxmatq kc tqaclvele nrlc.

³Batrpzle nzaovxio-krgu lr mrkzbleng, Mz nzmnclz-krmlr bagu.

⁴Nigu leplz ngr nqvi lr Jekop kcng tqmrlzting Yawe, Bilvzpeku drtc' kc tqmcpxbzle nangi nyzgu.

⁵Mzli kc Yawe tqwxbuo-ngrmle mz tron nyzde Mangr-nzangiongr, Sc tqrvxupeku trpu x tqmalq-katopeku mz nzabrtzlvz-krgu nide.

⁶Nangr-katobzku mz Yawe Gct rgu. Murde nide King rgu, nangr-katobzku bade.