SAM 36:8-10

⁸Sike gatane yotda atangu nanamu kwaapzang siknga. Unzingge aminbamu undang koke nanamde dua dapmakaing. Gatane sanga take siknga wa kwaapzang yuaing. Unzing yangga buyambamu tapatu binga. Siwan gata atangopningge yamunggayak.

⁹Ga sangabamda kayuk yuainggane yapii gika. Siwan gatu kakaatane yapii gika. Ninda kakaa waaknga ga anganggan takamang. Siwan take yuamang.

¹⁰Asingganu gata aminu gae atnataaing aminde take siknga natayamuyo. Ngan, gata kepi noman takngane tawake aminu kepi noman tawakaingu asiknga gatayami take yutning.