Sam 36:3-12

³Natqdr trka-esz'ngr x yctr-ngrpwz nzpokiangr. Delc trtxpnzngr nzale-krdr da kxmrlz x tubq.

⁴Mz nrlckxbq sc tzaoti drtwrdr nzryrlq-krdr drtwr kxtrka. Nzpxtxpx-ngrdr nzti kxtubq mz nzmrlzkr badr lrpzki kx vz-rbr.

⁵Yawe, nzmyatxlzkr nzaodu-zvz-krm X nzangidati-zvz-krm natqm nzkrlzlzlr bongavz.

⁶Nztubq-krm vzdz krlzbzle newz kxnzmyalzng, x vzo kz la me boongr. Murde aclve-zpwxq leplz x animol mz nzrsakrlrngr.

⁷Gct, nzaodu-krm leplz mrlz-zlwzm bagr, Murde apusr-ngrm nigr nei kio kcng tzwxbulvzong lxedr.

⁸Mz nzrka-zvz-krme nagr dakxnzng, dakxnzng lcng yctxpxng zvz. Murde avzo-zvzme zmrlz ngrm bagr, apule lue kc tqyrletx alo.

⁹X nim narlue r nzlu-krgr, Kc tqapu-zvzmle bagr nzyrlelz-krm aulz.

¹⁰Yawe, navz zvz nzaodu-krm nigr kcng tzvz-nqblqlr nim, Mz nzamrlz-krm kx nabzdr tubq.

¹¹Bzkq rlrpx-ngrn mq kxdrka'-ngrng nzlolvz-krdr ninge, X kxnzglqpx-lzbqng bzkq nanycdr nzrnzlvzolr ninge.

¹²Murde brti drtwrnge nzaovxio-krm kxdrka'-ngrng. X mz nztao-krdr, trpengr nztulz-mou-krmlr.