Sam 34:4-10

⁴Da kcng tqmwxlrtix, arlapxpebz Yawe ninge mz da lcng amrlx. Murde mzli kc tqkrka'-ngrbo bade, ayzlumle natqnge.

⁵Elr! Na-abrtrpzmu drtwrmu mz Yawe, murde ma drtqmu tqmya, X na-abrtzlvzamu nzokatr-krde nimu.

⁶Gct, mzli kc nzmnc-krnge tqtrka-ngrde, arlapxq ninge, Mz nzatutr-krm nzkrka'-krnge.

⁷Ili! Enjrl ne Yawe arlapxle leplz mzli kc drtqdr tqetq-ngrde, Murde aclvele krkcng tzmyatitrlr Yawe.

⁸Jzsamu ena nzmrlzkr Yawe x na-abrtr-krbzmu drtwrmu bade. Murde krkcng tqaclveleng nzabrtz-zvzng.

⁹Kxnzvz-nqblqlr natq Yawe nzrngiscng da amrlx. Delc nimu leplz nedeng na-amrlue-ngrnamu nide.

¹⁰Laion kx nzxplrng nzkrlzlr nzbrtalengr, Leplz kx nzvz-nqblqlr Yawe, trpnzngr da kx mrbrpxm badr.