Sam 30:6-12

⁶Nia aga nemen avukat, la aga doma i do, tepanga noxo sev asi ia.

⁷Leeme Silok, ugak lok lempanga nunuan tia. Uga rupe ia ngan loogu matmatkun to at lempatkaana silok. Ketla melemu uga lox alipe manga rak la nia aga marat.

⁸Leeme Silok, gano aga ro ke ram. Aga ngising aleng u ri loklok tooro keretna.

⁹O Leeme Silok, uba ruuna ka lavanga salai at lanmet tarak? Luunun salai uba ruuna ka i do nia ana si uto at lamaaut? Kereva, i epovo limixin diga met pam dina emi asu minu? I epovo bok dina tong asu lebelen tuntun lexen taram?

¹⁰Leeme Silok, una ronga ia, la una lox asuusu lebelen tuntun tia! Lok tooro ia, Leeme Silok!

¹¹Ketla monga lingina ura lok kun pam lanbulu rak mi liriti momo. Ura lok kepe vam lumumuat at labalak, la ura lox aumsu ia mi lososoro.

¹²Kuren la nia noxo vamngus, anak pixan emi asu minu. Leeme Silok, nenu ne Moroa rak. Anaba tong avukat amisik tu.