Sam 22:2-9

²Yrniti-zvzbo bam ngrlx x nrlckxbq, A' trmnc-zpwxwxu murde trayzlumeu natqnge.

³Nim King rgr kxtr-esz'ngr kc tqaclvele nigr lr Israel. X angio-zvzkr nim.

⁴Melrmqgrng nzabrtrpzlr drtwrdr bam. Nzlxngitilr nim x arlapxq nidr.

⁵Nzmnc-xglelr nim x tu-zvzbzme mz nibrdr. Nzrlxtibzlr nzokatr-krm nidr x angidatibzme natqdr.

⁶A' nzapusrngr ninge brmrda. Nzngangr-ngrdr ninge mz nzobqszo-krdr ninge.

⁷Nzycngrlrmlr nardr bange x nzmabqtimlr benaodr bange. X nzxtrnga-ngrdr ninge.

⁸Nzrpimlr kx, “Abrtrpzme drtwrm mz Yawe, a' namckr ena nzarlapxkr Gct nim mzli ka. Murde trokatrleu nim, kxmule-esz' rpiq kx mrlzti-zlwzle nim.”

⁹Yawe, yzuo mz zbq kc tzmcngr mzke', krlzmle mzli ka, Abrtr-zvzbo drtwrnge bam mz nzngini-krm Gct rnge. Murde aclve-angidrq ninge mz nzrmcngr mzke', X mz nzyq-krnge neyr lxenge.