Sam 20:2-6

²Mz nzmnc-krm Newz Saeon mz Mangr-nzangiongr, Aclve x axplr nide.

³Abrtzlvz da kx rlr-ngrbzle bam. X suti drtwrgr nzelalz-krm drtwrm mz blz kx angcle mz olta nyzm.

⁴Kabz bade da kcng tqsuti drtwrde, X angidatibz nepu nr drtwrdeng amrlx.

⁵X sa namalqlvzkr nzaovxio-krde. X naglqlzkr nim, Gct rgr. Yawe, ayzlum natqdeng amrlx. Eu, angida.

⁶Yawe, ninge king kc tqmcpxq. X mzli ka krlzpex kx okatrq ninge mz nzaovxiongr. X sa na-ayzluome natqnge mrla tqmnc-ngrn Heven kxtr, X nakame bange zmatq ngr nzngini-krnge Ngrlrvea.