Sam 17:1-4

¹Nabz ne Devet. Yawe, lalztqm mz nzrlxti-krbo nztubqngr. Xlrm natqnge murde nzkrka'-krbo bam trvzpxpuu mz naonge, a' vzdz-zpwxm mz nabznge.

²Mzli kc napipx-ngrn neke vz-rbr, mnc mz nrlarde nyznge, Murde nim kx rkrlz nike tubq.

³X krlz-zvzq nzao-krnge drtwrnge X obqplxq nabznge mz nrlckxbq. A' trpnzngr da kx vz-rbr kx rmctiq. X pnzpe drtwrnge kx naonge trna-akawi-ngrwxu alwx.

⁴Tralewxu da kx nzrtulrtrngr, da kc tzwai kzdung leplz. Murde vz-nqblq-zvzx natqm.