SAM 16:2-9

²Nata Buyambam tapae anzing inikum, “Ga natane Buyambam tapana. Sanga nomana nata pake yuwau kuupbam gae kataunetakan apukaing,” ngang inikum.

³Sike aminu Anututanen, kuupbam take siknga. Na waaminde asiknga baknganggat.

⁴Sike aminu anutu pupuknga apaapae tumuk yaninangge natake isapmake kukaingu meya kwaapzang gwaamutning. Gatu na iat dua gatake yuke amindane daknga anutu pupukngae yamunim. Aho, waamindane anutu pupuknganae umana dua yake tumuk wamu nata ie dua yaniwit.

⁵Buyambam tapa, gata sanga take siknga takngatu takngatu nae gwa namukuyak. Nami pake nata take yuat taknga gae kataune yuaunin.

⁶Nata sanga nomanomana kuupbamu gae kataunekan panggat. Siakan siknga. Sanga wa kuupbamde iaknga siknga natake ie apbaknganggat.

⁷Nata Buyambam tapatane umana yatangenawit. Dasingge, ita na nanindamuke tanomanukgaunin. Ngan, zikaane natdetdet panggat takngata atnanindamukgak.

⁸Asingganu Buyambam tapata nae wesim yuak ngang nataat. Ita wesim yuke nae kekeknga atnamunggak. Unzingge na aminu tapatuta dua tasiwan gwauke dandana yamutning.

⁹Unzingge musipmane natapa take siknga singgak. Siwan natane waung ngaaya asiknga baknganggak. Unzing na mateknga simpaa sanga tapatue dua gwaumbit.